اک بار جو بچھڑے وہ دوبارہ نہیں ملتا ۔ اختر ملک

اک بار جو بچھڑے وہ دوبارہ نہیں ملتا ***** مل جائے کوئی شخص تو سارا نہیں ملتا

اس کی بھی نکل آتی ہے اظہار کی صورت *** جس شخص کو لفظوں کا سہارا نہیں ملتا

پھر ڈوبنا یہ بات بہت سوچ لو پہلے ******* ہر لاش کو دریا کا کنارا نہیں ملتا 

یہ سوچ کے دل پھر سے ہے آمادہ اُلفت **** ہر بار محبت میں خسارا نہیں ملتا

کیوں لوگ بلائیں گے ہمیں بزم سخن میں *** اپنا تو کسی سے بھی ستارہ نہیں ملتا

وہ شہر بھلا کیسے لگے  اپنا جہاں پر ******** اک شخص بھی ڈھونڈے سے ہمارا نہیں ملتا

چکوال کے معروف شاعر اختر ملک کی اردو غزل