تحصیل چوک میں بہکڑی رکشہ سٹینڈ پر انتظار گاہ نہ ہونے سے عوام ذلیل و خوار،

چکوال (بانگِ چکوال) ۔ چکوال شہر میں تحصیل چوک پر بہکڑی رکشہ سٹینڈ جوکہ ڈگری کالج کی دیوار کے ساتھ ہے کسی قسم کا چھت نہیں ہے ۔ جبکہ اس طرف اور بھی کسی طرح کی کوئی بلڈنگ نہ ہے ۔ جس سے رکشہ یا گاڑی کی انتظار میں کھڑے لوگ بارش میں بھیگتے رہتے ہیں ۔ اور اگر گرمی ہو تو دھوپ میں کھڑا ہونا پڑتا ہے ۔ عوامی حلقوں کی جانب سے مطالبہ سامنے آیا ہے کہ تحصیل چوک میں مغربی سائیڈ پر بہکڑی رکشہ سٹینڈ جہاں راولپنڈی روڈ پر جانے والی اور بھی پبلک ٹرانسپورٹ کھڑی ہوتی ہے ۔ خصوصا کوہ نور ملز جانے والے رکشے اور چک نورنگ وغیرہ جانے والی سوزوکی اور رکشے یہاں کھڑے ہوتے ہیں ۔ اور اس طرف جانے والی تمام عوام انتظار گاہ کے نہ ہونے کی وجہ سے روڈ پر کھڑے ہوکر انتظار کرتے ہیں ۔ اور بارش ہونے کی صورت میں بہت زیادہ پریشانی کا سامنا کرنا پڑتا ہے ۔ عوام نے مطالبہ کیا ہے کہ یہاں انتظار گاہ کا ہونا از حد ضروری ہے ، متعلقہ حکام کو چاہیے کہ فی الفور انتظار گاہ تعمیر کرکے عوام کو اذیت سے نجات دلائیں ۔ 

8 مارچ 2020 کو کٹاس میں ختم نبوت کانفرنس منعقد ہوگی۔

 چکوال (بانگِ چکوال)۔ دارالعلوم حنفیہ چکوال میں پیر عبد القدوس صاحب کی زیر نگرانی عالمی مجلس تحفظ ختم نبوت کے زیر انتظام کٹاس میں ہونے والی ختم نبوت کانفرس کے بارے میں مشاورت کی گئی ۔ اس موقع پر مبلغ ختم نبوت چکوال جناب مفتی معاذ نے کہا کہ تحفظ ختم نبوت کانفرنس انشاء اللہ ہر صورت میں منعقد ہوگی ۔ اجلاس کے شرکاء نے متفقہ طور پر اس بات پر زور دیا کہ قادیانی سازش کا ڈٹ کر مقابلہ کیا جائے گا۔ 

اجلاس میں عالمی مجلس تحفظ ختم نبوت کے علاوہ جمعیت علماء اسلام (ف) جمعیت علماء اسلام (س) اہل سنت والجماعت ، عالمی اتحاد اہل سنت ، پاکستان علماء کونسل ، جمعیت اہلسنت ضلع چکوال سمیت مختلف مذہبی و سیاسی اور کاروباری تنظیموں نے شرکت کی ، اجلاس میں مفتی محمد معاذ ، پیر عبد القدوس نقشبندی ، مولانا محمد عتیق ، مولانا کامران ، مولانا محمد عمران ، مفتی عبد السلام ، حافظ عبد القدیر ، شیخ سلیم ، شیخ شاکر مہدی صدر انجمن تاجران، ندیم یعقوب فاروقی ، قاری اسد عرفان ، مفتی خالد میر اور دیگر حضرات نے شرکت کی ، تمام افراد نے کٹآس میں ہونے والی کانفرنس کی کامیابی میں کردار ادا کرنے کا عزم کیا۔

سول ہسپتال چکوال میں 32 سالہ نوجوان کرنٹ لگنے سے جاں بحق

ڈسٹرکٹ ہیڈ کوارٹر ہسپتال چکوال کے پارکنگ ایریا میں 32 سالہ ثاقب نامی نوجوان شارٹ سرکٹ کے باعث کرنٹ لگنے سے جانبحق ہوگیا ۔ متوفی ہسپتال میں اپنی آنکھوں کا معائنہ کرانے کی غرض سے آیا تھا۔ متوفی بہکڑی کا رہائشی بتایا گیا ہے ۔ بارش کی وجہ سے بجلی کی ننگی تاریں پانی میں ڈوبی ہوئی تھیں اور وہ بارش کے پانی سے بچنے کے لیے بجلی کے پول کے قریب سے گزرا تو بجلی کا زوردار کرنٹ لگنے سے موقع پر ہی جاں بحق ہوگیا۔