کرونا وائرس الرٹ ، ملک بھر میں تعلیمی اداروں کو بند کردیا گیا ، 23 مارچ کو پریڈ کینسل

چکوال (بانگ چکوال) ۔ چین کے شہر ووہان سے شروع ہونے والا کرونا وائرس ساری دنیا کی لیے وحشت کی صورت بن گیا ہے ۔ وائرس سے اب تک ہلاکتوں کی تعداد ہزاروں میں پہنچ گئی ہے ۔ سب سے زیادہ ہلاکتیں چین میں ہوئی

8 مارچ 2020 کو کٹاس میں ختم نبوت کانفرنس منعقد ہوگی۔

 چکوال (بانگِ چکوال)۔ دارالعلوم حنفیہ چکوال میں پیر عبد القدوس صاحب کی زیر نگرانی عالمی مجلس تحفظ ختم نبوت کے زیر انتظام کٹاس میں ہونے والی ختم نبوت کانفرس کے بارے میں مشاورت کی گئی ۔ اس موقع پر مبلغ ختم نبوت چکوال جناب مفتی معاذ نے کہا کہ تحفظ ختم نبوت کانفرنس انشاء اللہ ہر صورت میں منعقد ہوگی ۔ اجلاس کے شرکاء نے متفقہ طور پر اس بات پر زور دیا کہ قادیانی سازش کا ڈٹ کر مقابلہ کیا جائے گا۔ 

اجلاس میں عالمی مجلس تحفظ ختم نبوت کے علاوہ جمعیت علماء اسلام (ف) جمعیت علماء اسلام (س) اہل سنت والجماعت ، عالمی اتحاد اہل سنت ، پاکستان علماء کونسل ، جمعیت اہلسنت ضلع چکوال سمیت مختلف مذہبی و سیاسی اور کاروباری تنظیموں نے شرکت کی ، اجلاس میں مفتی محمد معاذ ، پیر عبد القدوس نقشبندی ، مولانا محمد عتیق ، مولانا کامران ، مولانا محمد عمران ، مفتی عبد السلام ، حافظ عبد القدیر ، شیخ سلیم ، شیخ شاکر مہدی صدر انجمن تاجران، ندیم یعقوب فاروقی ، قاری اسد عرفان ، مفتی خالد میر اور دیگر حضرات نے شرکت کی ، تمام افراد نے کٹآس میں ہونے والی کانفرنس کی کامیابی میں کردار ادا کرنے کا عزم کیا۔

امریکہ اور افغان طالبان کے درمیان معاہدہ پر دستخط ۔

چکوال ( بانگِ چکوال ) ۔ افغان طالبان اور امریکہ کے درمیان طویل المدتی جنگ کے بعد بالآخر مذاکرات پر دستخط ہو گئے ہیں ۔ امریکہ کے نمائندے زلمے خلیل زاد اور افغان طالبان کے نمائندہ ملا عبد الغنی برادر نے معاہدہ پر دستخط کیے امن معاہدہ کی تقریب میں افغان طالبان ، امریکہ ، افغان حکومت ، قطر اور پاکستانی حکام نے شرکت کی ۔ امریکا کے سیکرٹری اسٹیٹ مائیک پومپیو نے خطاب کرتے ہوئے کہا کہ اس معاہدہ پر افغان عوام خوشیاں منا رہے ہیں ۔ اس امن عمل کے لیے امریکی اور افغان فورسز نے مل کر کام کیا ۔ اس سے پہلے طالبان قطر آفس کے اہم رکن ملا شھاب الدین دلاور نے کہا کہ اس معاہدہ کے بعد تمام غیر ملکی فوجیں افغانستان سے روانہ ہوجائیں گی اور ملک امن ہوگا ۔ پاکستان کے وزیر خارجہ شاہ محمود قریشی کا کہنا تھا کہ اس معاہدہ کے بعد افغانستان کی داخلی قوتوں کے درمیان مذکرات کی امید ہے اور افغانستان کو تعمیر نو کے لیے عالمی برادری کی مدد کی ضرورت ہوگی۔